Анонимный

Білеты да аэрапорта можна набыць па ўсёй краіне

6 ноября

Беларуская чыгунка адкрыла продаж білетаў на цягнікі, якія ідуць да Нацыянальнага аэрапорта «Мінск».

Іх можна набыць ва ўсіх рэгіёнах краіны ў пунктах афармлення праязных білетаў, уключаючы плацежна-даведачныя тэрміналы самаабслугоўвання. Два такія тэрміналы былі ўстаноўлены на дзвюх платформах станцыі «Мінск-Пасажырскі», з якой штодня будуць адыходзіць цягнікі ў аэрапорт.

—Для ўсіх тэрміналаў чыгункі была распрацавана новая версія праграмнага забеспячэння і зменены інтэрфейс экранаў, на якіх з’явілася «кнопка» «У Нацыянальны аэрапорт «Мінск». Каб набыць білет з выкарыстаннем тэрмінала, неабходна націснуць гэтую «кнопку», уставіць у прыладу плацежную картку, выбраць маршрут («Мінск-Пасажырскі» — Нацыянальны аэрапорт ці Смалявічы — Нацыянальны аэрапорт) і аплаціць праезд,— расказалі ў прэс-цэнтры магістралі. — У білетных касах і тэрміналах самаабслугоўвання Беларускай чыгункі праязныя дакументы ў Нацыянальны аэрапорт «Мінск» можна набыць за 10 сутак да адыходу цягніка. Апроч таго, у дзень адпраўлення набыць білет можна непасрэдна ў цягніку ў білетных касіраў ці праз плацежныя тэрміналы самаабслугоўвання, усталяваныя ў аэрапорце.

Сяргей Расолька

Звязда
http://zviazda.by/2014/11/60017.html
06.11.2014

К списку новостей за 2014 год





Новость предоставлена пресс-службой Белорусской железной дороги