СЦБИСТ - железнодорожный форум, блоги, фотогалерея, социальная сеть

Дырыжор дакладнага руху

26 февраля

http://www.rw.by/uploads/userfiles/images/zaharuch.pngМінулы год для Паўла Захарыча склаўся вельмі ўдала. Ён выйграў конкурс «Лепшы дзяжурны па станцыі», даказаў, што лепш за ўсіх на Беларускай чыгунцы ведае службовыя інструкцыі, а ў конкурсе «Дырыжор руху» заняў трэцяе месца.

Жыцёвы шлях Павел выбраў невыпадкова: на чыгунцы памочнікам машыніста працаваў яго дзядуля, часта ездзіў па маршруце Гродна — Масква. З дзяцінства Паўла вабілі рамантыка падарожжаў і магчымасць пабываць у розных гарадах і краінах.

Дзяжурны павінен своечасова прымаць і адпраўляць саставы. Калі, напрыклад, поезд толькі выязджае з Мінска, трэба ўжо думаць, па якім шляху ён пройдзе і дзе спыніцца. У час змены напружанне вельмі вялікае. Ніякіх старонніх размоў!

Змена дзяжурнага па станцыі доўжыцца 12 гадзін. У Маладзечне дзяжурных двое. Адзін адпраўляе і прымае паязды з вільнюскага і лідскага напрамкаў, другі - з мінскага і полацкага.

Шмат грузаў праз Маладзечна зараз адпраўляецца на будаўнічую пляцоўку Беларускай АЭС. Чыгуначнікі асвойваюць новыя кітайскія электравозы, якія могуць перамяшчаць сто і больш вагонаў. На магістралі павялічваецца хуткасць руху саставаў. Таму работа дзяжурных становіцца ўсё больш напружанай. Аднак чым больш складаныя заданні, тым больш цікава іх выконваць.

За поспехі ў конкурсах, а таксама за добрасумленную працу на чыгуначным транспарце нядаўна Паўлу Захарычу была аб'яўлена падзяка Начальніка Беларускай чыгункі.

Алег БЯГАНСКІ

Фота: Юлія ШАБЛОЎСКАЯ

Маладзечанская газета

http://www.mgazeta.by/God-molodezhi/Dyryzhor-dakladnaga-rukhu

24.02.2016 11:24

К списку новостей за 2016 год
http://pixel.quantserve.com/pixel/p-89EKCgBk8MZdE.gif

Новость предоставлена пресс-службой Белорусской железной дороги