Унёсак чыгункі ў хлебныя засекі
 

Унёсак чыгункі ў хлебныя засекі

13 августа

Сельскагаспадарчыя арганізацыі Беларускай чыгункі завяршаюць уборку збожжавых культур. Азімы рапс ужо «ўпарадкаваны», а зараз вядуцца работы па ўборцы яравога рапсу.

Па апошніх аператыўных звестках, збожжавыя і зернебабовыя культуры ўжо ўбраны на 8 850 гектарах, што складае 93,2 працэнта ад запланаваных плошчаў. Намалочана 41 836 тон зерня. Сярэдняя ўраджайнасць збожжавых у сельгасарганізацыях Беларускай чыгункі складае 47,3 цэнтнера з гектара, паведамляе прэс-цэнтр магістралі. Для параўнання: летась сярэдняя ўраджайнасць склала 39,3 цэнтнера з гектара.

Нагадаем, у састаў Беларускай чыгункі ўваходзяць сем сельскагаспадарчых арганізацый: «Саўгас «Рачкавічы», «Свіцязь» (Баранавіцкае аддзяленне), «Радзежскае» (Брэсцкае аддзяленне), «Крынкі-Агра» (Гомельскае аддзяленне), «Авангард» (Магілёўскае аддзяленне), «Выдрэя» і «Улішыцы-Агра» (Віцебскае аддзяленне).

Сяргей Расолька

Звязда

13.08.2014

К списку новостей за 2014 год
http://pixel.quantserve.com/pixel/p-89EKCgBk8MZdE.gif




Новость предоставлена пресс-службой Белорусской железной дороги